ЗАВІРУЧ м. Кіёк, адзін канец якога ўсаджан ў дзірку навоя і не дае навою круціцца. Завіруч у навоі атпускаць аснову з навоя, калі ткуць. Паляцкішкі Вор. ЗАВІТУШКА ж. Сукаратка. Дужа круціш калаўрот, у ніццы многа завітушак, аш ірвуцца ніткі ат завітушак. Калодзішчы Мін. ЗАВІЦА (зовіца) ж. Сястра мужа. У мойго мужа е сестра, вона мне буде зовіца. Бастынь Лун. От у мойго мужа е сестра, от она і будзе мне зовіцай. Бобрыкі Петр. У мене е сёкор і зовіца. Жахавічы Маз. Зовіцы дома нема, паехала ў горад. Тульгавічы Хойн. ЗАГАРОДДЗЕ (загорэдье) н. Месца за агародамі. Давайтэ пойдэм загорэдьем. Бастынь Лун. ЗАГАЎЛІВАЦЦА незак. Святкаваць у бацькоў маладой гадавіну вяселля. Пасля года бацька з маткай маладой прыехалі да маладога і забралі маладога і маладую да сябе загаўлівацца. Ністанішкі Смарг. ЗАГІКВАЦЦА незак. Заікацца. Йікаватый чэловэк, йіковый чэловэк, вэн загікваецца. Азарычы Пін. ЗАГОН м. 1. Града. У нас цэлы загон цыбулі расце. Паляцкішкі Вор. Трэба заграпці загона на капусту. Навасёлкі Свісл. 2. Рад бульбы. Я дзесяць загонаў разараў бульбы, ідзіці капаць. Альхоўка Навагр. ЗАГОН м. Агароджанае пад адкрытым небам месца для жывёлы. Кароў прыгналі ў загон, пойдзем даіць. Моханава В.-Дзв. ЗАГУБІЦЬ зак. Згубіць. Як гэта можна загубіць ключа. Жахавічы Маз. ЗАГУМЕЦЬ ж. Загуменне. Пойдзям па загумецю, тут бліжэй будзя. Навасёлкі Свісл. ЗАДЗЕЦЬ зак. Уцягнуць. Задзень нітку ў голку. Жахавічы Маз. ЗАДЗУГЛЯЦЬ зак. Закілзаць. Надо коня задзугляць дзуглямі, коб не понёс. Бобрыкі Петр. ЗАДОРЫНА ж. Лішак асновы ў шырыну пры накіданні ў ніты і бёрда, які астаўся і ідзе назад. Снывала кросны і ныснывала лішкі, а цяпер ідзець у кроснах нызат задорына. Сяляўшчына Рас. ЗАДУЦЬ (задуті) зак. Патушыць. Задуй лямпу, нашчо довго горэті. Азарычы Пін. ЗАДЫ мн. Поле за сядзібай. На зыдах узыраў нійку і пасадзіў паспешку. Касталомава В.-Дзв. ЗАДЫМЛЕНЫ дзеепрым. Акураны. Нэ задымлена мая цыбуля, пошла уся в стрэлкі, нэма головок і нэма цыбокэв. Азарычы Пін. ЗАЖЫМЕЦ (зажымэц) м. Сквапны. Вэн зажымэц, у его нічэго не достанеш. Бастынь Лун. ЗАЖЫНАК м. Першы нажаты ў час зажынак сноп. Жыта зажала, зажынак нажала і паставіла на куце. Старопка Асіп. ЗАЗУБЕНЬ м. 1. Жалезная пласцінка з зубцамі, якая служыць для запірання дзвярэй. Да вушака прыбіты зазубень дзьверы зачыняць. Ністанішкі Смарг. 2. Дэталь у клямцы. У клямцы е западенька, зазубень і язычок. Бастынь Лун. 3. Жалезная пласцінка на аглоблі, на якую надзяюць атосы. Прыбі да аглоблі зазубня. Навасёлкі Свісл. ЗАЗУБКА ж. Тое, што і зазубень у 3-м знач. Трэбо зазубку прыбэтэ до оглоблі. Дзмітравічы Кам. ЗАЗУЛЯ (зозуля) ж. Зязюля. Зозуля нэ робыт собэ гнэздо. Горск Бяроз. Ужэ куе зазуля. Міратычы Кар.