БАБА ж. Плашка, якую кладуць на сані і саначкі пры перавозцы доўгага і тоўстага бярвення. На падсанкі і на капылы кладуцца бабы, коб не поломаліс пыдсанкі, колі кладуть бэрвэно. Бастынь Лун. БАБАВІЦА (бобовіца) ж. Мука з бобу. Бэб посоділі, вырос, і з бобу намололі бобовіцы. Бастынь Лун. БАБАВЯНІСКА (бабавяніско) н. Лісты, сцяблы бобу, бабоўнік. Ат жары бабавяніско вянё. Міратычы Кар. БАБАВЯННЕ (бабавянё) н. Тое, што і бабавяніска. Бабавянё добраё, а які будзя боп — невядома. Міратычы Кар. БАБАЧКА (бабочка) ж. Трыпутнік. Найды бабочку, одорвы лыстыну і приложы до раны. Горск Бяроз. БАБЕШАЧКА ж. Гестка. Мама, пашый мне кохтачку з бабешачкай. Шкураты Браг. БАБКА (бапка) ж. Тое, што і бабачка. Бапка расце па дарозі. У бапкі шырокі лісток. Да скулы прылажы бапку. Навасёлкі Свісл. Во, якая бапка вялікая. Нарвала бапкі, буду парыць і піць. Паляцкішкі Вор. БАБКА (бапка) ж. Белая булка з разынкамі. Я спякла аж дзьве бапкі с разынкамі на вялікдзень, хай дзеці ядуць. Міратычы Кар. БАБКА ж. Прывязка для прымацоўвання біча да цапільна. До цопільна трэбо прывязаті бабкою біча. Азарычы Пін. БАБКА ж. Калодачка на падсядзёлку. У кульбацы на вэрху е двэ бабкі. Праз гэты бабкі прасмыкают пасак і прыв'язывают до аглоблі. Паламаласа бабка у кульбацы, трэбо зробіті новую. Азарычы Пін. БАБКА (бапка) ж. Страказа. Бабак많 много лятая каля рэчкі. Старае Сяло. БАБКА ж. Тое, што і баба. На капулы надзяюцца бабкі, а на бабкі кладуць калоды, тоўстае бярвенне. Шкураты Браг. БАБКА ж. Канцы сіта, якія замацоўваюцца абручом. З лык спліла сетку, а цяпер нада прыкрапіць бапку к абічэйкі рэшата. Вароніна Рас. БАБКА (бапка) ж. Кавалачак дрэва з дзірачкай, куды ўстаўлен верхні канец млёна. Здзелаў новую бапку ў жорны, уткнуў млён у бапку, а цяпер буду малоць. Навагрудак Навагр. БАБОВІСКА (бобэвіско) н. Поле, на якім рос боб. Трэбо тэпэра узораті бобэвіско. Бастынь Лун. БАБЧЫЦЦА (бапчыцца) незак. Скручвацца. Нітка бапчыцца, і ня ўдзець у вірок, крутая пража. Ваўкавічы Тал. БАВЕТ (бовэт) м. Гестка. Пошила коптана з бовэтом, а до бовэта пришила ковнэра. Азарычы Пін. БАВУЛЬНІЦА ж. Баваўніца. Купіла бавульніцы і буду снаваць на спадніцы. Бавульніца дарагая. Моханава В.-Дзв. БАГАН м. Багун. Баган расцець у балоці, ат багана страшна баліць галава. Моханава В.-Дзв. БАГДАНЕЦ (быгданец) м. Байструк. Йіна радзіла быгданца ў дзеўках. Моханава В.-Дзв. БАГНАВЫ прым. Грузкі. От багнаво балота, трасецца, аш ногі гразнуць, у багнаво можна ўляцець і не вылесці. Міратычы Кар. БАГНО н. Багун. Багно і корова нэ ест, і змея утэкае, бо воно смэрдыт. Горск Бяроз.