РОСКІД (роскіт) м. Від ворыва, пры якім зямля адвальваецца ў розныя бакі. Узараў сваю сотку ў роскіт. Мнюхі Міёр. РОСКІДКА ж. Тое, што і роскід. Узораў свой загон у роскідку. Бобрыкі Петр. РОСЛЯ ж. Рост. Нема ў корчы рослі, замочыло. Бастынь Лун. РОСПУГА ж. Баразна паміж градкамі. Роспуга помэж грагкамэ, по другых містах то прозёра. Дзмітравічы Кам. РОССЕ н. зборн. Чарот. На роцэ ростэ россе, на вэрху ў ёго чорный доўгій качан. Горск Бяроз. РОХЛЯ ж. Неахайная жанчына. Рохля ты, хоць бы ты на сябе паглядзела, як ты ходзіш. Моханава В.-Дзв. РОЦЕЗКА (ротэзка) ж. Вузкая палоска матэрыялу, якой завязваюць хвартух. Хвартух завязываецца ротэзкамі. Порваласа ротэзка ў хвартуху. Азарычы Пін. РОЧНІК м. Аднагадовае жарабя. Мое жэрэбя — рочнік. Горск Бяроз. РОЧНІЦЫ толькі мн. Гадавіна. Пасьля сьмерці таты прайшоў гот, трэба спраўляць рочніцы. А я рочніцы справіла па мамі. Ністанішкі Смарг. РУКАВАТКА ж. Ручка на кассі. Трэба прыладзіць рукаватку да кася. Вострава Маст. РУКАВІЦА ж. Тое, што і рукаватка. На акосся завяжы рукавіцу, трэба іці касіць. Ністанішкі Смарг. РУКАЯТКА ж. Верацяно з наматанымі на яго ніткамі. Тры рукаяткі ныпрала на верацяно. Якубова Рас. РУЛІ толькі мн. Цура, прыгатаваная з сырой вады, кусочкаў хлеба, цыбулі і поснага масла. Я зрабіла рулі. У ваду накрышыла хлеба, пасаліла, накрышыла цыбулі і зыправіла посным маслам — гэта і ёсць рулі. Моханава В.-Дзв. Хадзі, будзім есьці рулі. Ваўкавічы Тал. Я на абет зрабіла рулі і паела. Сяляўшчына Рас. РУМ м. Месца, з якога сплаўлялі бярвенне. Румам звалі месца, куды зімой вазілі бярвення з лесу. Моханава В.-Дзв. РУХКАЦЬ незак. Рохкаць. Сьвіння рухкая, трэба есьці даць. Барыскі Лаг. РУЧАЙКА ж. 1. Верацяно з ніткамі. Я сегодня напрала ручайку пражы. Бастынь Лун. 2. Верацяно, на якое змотаны ніткі з двух верацён. Двэ одкідкі звіваемо на однэ вэрэтэно і называемо ручайкою. Азарычы Пін. РУЧКА ж. Млён. У жорнах у верхнюм камене ў боцы е гняздо, куды ўстаўляецца ручка. Шкураты Браг. РУЧКА ж. Пасма ачэсанага лёну. Я на сьвінную шчотку ачасала аш 10 ручак і зьвізала ў буньцік. Касталомава В.-Дзв. РУЧКІ мн. Драўляныя брускі, якія ўбіваюцца ў падушку калёс і да якіх прымацоўваюцца драбіны, барты калёс. У шапку (падушку) убіваюць ручкі. Навасёлкі Свісл. РУЧКІ Блокі, на якіх вісяць ніты ў кроснах. Ручкі, у якія ўкладают колясца, а за колясца чапляют ніты. Азарычы Пін. Качалочко на ручках вісіць у кроснах. Навасёлкі Свісл. РУШЭННЕ (рушэнье) н. Сход (месяца). Молодічок, як настае, молодічок у другэй квадэ, поўный месяц, рушэнье месяца. Бастынь Лун. РЫБАК м. Дажджавы чарвяк. Як многа рыбакоў пасьля дажджу па двары поўзае. Міратычы Кар.