БЯЗГНОЙНЫ прым. Няўгноены. Было зямелькі там валока, Дзе можна б моцна і глыбока Пусціць карэнні ў грунт, абжыцца — Было на чым разварушыцца. Але бязгнойная, пустая Зямлі валока была тая, Дзе рос сівец ды пырнік густа.. Новая зямля. Бязгноіца ж. 'няўгноенае поле' (Ганц. СПЗБ). БЯЗДОЖДЖЫЦА ж. Працяглая адсутнасць дажджу. Суш, бяздожджыца, бязросіца... Ох, знаць, будзе год галодненькі! Сялянскія думкі. Загуляе часам у бяздожджыцу вецяр, стоўб пяску падымаецца вышэй леса і засыпае і жыта, і авёс, і ячмень.. Наша сяло, людзі і што робіцца ў сяле. Бяздожджыца ж. 'сухое надвор'е' (Навагр. Сцяшковіч, 1972). БЯЗЛЕТНЫ прым. Бязрадасны, беспрасветны. Ён [Сымон] іграў аб родным дому, Аб жыцці сваім бязлетным, Аб імкненні тым сусветным, Што чуваць у буры, грому.. Сымон-музыка. Безлётный: безлетная сторона 'дзе няма лета або амаль няма'; безлётье 'няшчасце, нягода, бедства, злыдні, неўраджай, голад' (Даль). БЯЗРОСІЦА ж. Адсутнасць працяглы час расы ў выніку засухі. Суш, бяздожджыца, бязросіца... Ох, знаць, будзе год галодненькі! Сялянскія думкі. БЯЛЯВА-ДЫМНЫ прым. Шаравата-белы. Праясніліся далі палёў. Весялей стала. Бы тыя апушчаныя павекі вачэй, падняліся бялява-дымныя заслоны неба. Туды, на Нёман! БЯССОЧНЫ прым., перан. Высахлы, схуднелы, змарнелы. Падышоў вядомы ўжо старшыня Брыль Язэп, памочнік пісара Савось Карэнчык, бяссочны, як таран, вяртлявы хлопец.. На ростанях. В ВАВЕК прысл. Ніколі. Ты [Масква] не была вавек рабою І не схіляла галавы.. Маскве. Вовёк прысл. 'ніколі' (Даль). ВАГАР м. 1. Моцная хваля паветра; вал. Замітусіўся лес, і два грозныя вагары, дзве сцяны дрэў рынуліся адна на другую. Стары лес. 2. перан. Сродак для ажыццяўлення