н НА БАРЫШЫ, ШТО ХОЧАШ БРЕШЫ. Прадаючы жывёлу праз меру хваляць яе, а пры сватанні жаніха — багацце яго. Гл. c. 61. НА БОГА НЕ СКЛАДАЙ, А САМ ПАМАГАЙ. НА ГНІЛОЕ ДЗЕРАВО ТО I КОЗЫ СКАЧУЦЬ. Слабага чалавека кожны можа пакрыўдзіць. НА ДАЎКОЛА ГОРА, А Ў СЯРЭДЗІНЕ ГОЛАД. НА КАНЮ ЕДЗЕ I КАНЯ ПЫТАЕ. НА КУКОЛЬНІКА I ВЕРАБЕЙ БАГАТ. Калі ўсяго поўна, то i бядак багаты. НА НАЗЕ БОТ РЫПІЦЬ, А Ў ГАРШКУ ТРАСЦА КІПІЦЬ. Кажуць пра бедняка, а таксама пра шляхціцафарсуна, які на шкоду свайму здароўю любіць прыгожа апранацца, моднічаць. Гл. с. 192. НА ПАДОЛЕ ПІРАГІ НА ДОЛЕ, МЫ ТАМ ПРЫШЛІ ДА 1 НЕ НАШЛІ. Кажуць пра таго, каму здаецца, што недзе лепш, дзе нас няма. НА ПАПОВЫМ ГУМНЕ, ШТО АСТАНЕЦЦА, ТО МНЕ. Беднаму чалавеку заўсёды перападаюць толькі рэшткі. НАВУКА - ТО МУКА: ХТО ВУЧЫЦЦА, ТОЙ МУЧЫЦЦА. НАКЛАД31 КУБЕЛ ПОРТУ I АДДАЙ ЧОРТУ. Калі пойдзеш замуж, то аддасі ўсё, што рыхтавала для падарункаў родным мужа. Рабіць і аддаць каму-н. рэч дарма, паводле звычаю. НАСМЯЯЎСЯ ГОЛЫ 3 ПЛЯШЫВАГА - АБОДВА РОЎНЫЯ. Кажуць гэтак таму, хто высмейвае недахопы іншага, хоць сам заслугоўвае такой насмешкі. НАШТО ЎМЫВАЦЦА, КАЛІ НЕ 3 КІМ ЦАЛАВАЦЦА. Не трэба рабіць тое, у чым няма патрэбы зараз. НЕ БЫЛО Б ТОЕ, БЫЛО Б ШТО ДРУГОЕ. Нешта павінна было здарыцца. Часцей кажуць пра якое-н. здарэнне, якое чакалася, павінна было адбыцца. НЕ ДЗЕЛЯ ІСУСА, А ДЗЕЛЯ ХЛЕБА КУСА. Кажуць, калі патрабуюць таго жыццёвыя неабходнасці, патрэбнасці ў харчаванні. НЕ ДЗЬМУХАЙ ПРОЦІЎ ВЕТРА, БО ГУБЫ ПАПУХНУЦЬ. Не рабі насуперак нікому, бо тым самым можаш нашкодзіць сабе