НЕ ПЛЮЙ У ВАДУ, БО ПРЫДЗЕЦЦА НАПІЦЦА. Не рабі блага каму-н., бо пазбавішся яго падмогі. Гл. с. 73. НЕ РАДЗІСЯ КРАСНЫ, А РАДЗІСЯ ШЧАСНЫ. Пра перавагу шчасця над прыгажосцю. Гл. с. 67. НЕ РАДУЙСЯ АБЕДУ, А ДОБРАМУ ПРЫВЕТУ. Калі прымаюць цёпла, сардэчна, гэта лепш за частаванне. НЕ РАДУЙСЯ ЧУЖОЙ БЯДЗЕ, СВАЯ НАБРЫДЗЕ (БО СВАЯ НЕДЗЕ). Гл. с. 74 НЕ СВЯТЫЯ ЛЮДЗІ ГАРШКІ ЛЕПЯЦЬ, А ТАКІЯ ЛЮДЗІ, ЯК I МЫ. I звычайны чалавек можа справіцца з цяжкай працай. НЕ СМЕЙСЯ, РАБЕ, БО БУДЗЕ I ТАБЕ. Не радуйся чужой бядзе, бо і твая будзе. Гл. с. 179. НЕ СТРЬІЖАНА, А ГОЛЕНА. Пра спрэчку мужа і жонкі. Тут пра ўпартасць жонкі. НЕ СУНЬ НОСА Ў ЧУЖОЕ ПРОСА. Не ўмешвайся ў чужыя справы. НЕ ТАК ШКОДА, ЯК НЕВЫГОДА. Не столькі страты, урону, колькі нязручнасці. НЕ ТВАЕГО НОСА ПАЛОСА. Не твайго розуму справа. НЕ Ў ТЫМ СІЛА, ШТО КАБЫЛА СІВА, А ШТО ВОЗА НЕ ВЯЗЕ. Выгляд не вызначае сілу. Гл. с. 73. НЕ ЎВАЖАЙ НА НЕЎРАЖАЙ, А ЖЫТА СЕЙ. Выконвай працу незалежна ад вынікаў. Гл. с. 178. НЕ ЎРАДЗІЎ МАК, ПРАЖЫВЁМ I ТАК. Задаволімся тым, што ёсць. Гл. с. 179. НЕ ЎСЁ ТО ЗОЛАТА, ШТО БЛІШЧЫЦЬ. Не ўсё прывабнае мае вялікую каштоўнасць. Гл. с. 74. НЕ ХВАЛІСЯ НА ВАЙНУ ІДУЧЫ, А 3 ВАЙНЫ. Не хваліся заўчасна. Гл. с. 257. НЕ ЦЯНІ ЧАЛАВЕЧАСКАЙ ГАЛАВЫ 3 ГРАЗІ, А ЛЕПЕЙ КОНСКУЮ, БО ЧАЛАВЕК АТПЛАЦЩЬ ЗЛОМ, А ЛОШАДЗЬ 3 ГРАЗІ ВЫВЕЗЕ. Гл. с. 69. НЕ ЧЕПАЙ ЛІХА, КОЛІ ЯНО СПІЦЬ ЦІХА. Не чапай тое, ад чаго могуць быць непрыемнасці. Гл. с. 65, 258. НЕ ЧЕПАЙ ЧУЖОГА I НЕ БОЙСЯ НІКОГА. НЕМА ТОЙ ХАТКІ, ШТОБ НЕ БЫЛО ЗВАДКІ. У кожнай сям'і здараюцца сваркі. НЕМІЛАГА ГОСЦЯ НЕМІЛЫЕ ПІРАГІ. Нялюбага чалавека ўсё нялюба