Pad rosiśsia.
Padatknuć ahniu. Padpalić. Niechta padatknuŭ ahniu pad dvorny stoh.
Padatlivy, ~vaha. Prm. Toj, kaho lohka ŭhavaryć. Janka čałaviek padatlivy.
Padaŭki, ~koha. Prm. Padaŭkaja rabata. Trava była padaŭkaja, dyk šmat skasili. Dobraja ježa. Stravy byli padaŭkija, dyk kruhła papałudnavali.
Padavałka, ~ki. Naz. Tonkaja j doŭhaja viortka padavać snapy na aziarody. Pastaŭ padavałku pry aziarodach.
Padazrony, ~naha. Prm. Jość zaściaroha. Pirad Baŭtrukom treba ścirahacca z hutarkaj, bo jon čałaviek padazrony.
Padbarodavič, ~ča. Naz. Tučnaje cieła pad nizam barady. Naš Janka ŭ špitali tak papraviŭsia, što až padbarodavič advis.
Padbarodavic, ~ča. Naz. Častka abryci, što ŭ kania pad baradoj. Tata u vabryci adkinaŭ padbarodovič dy cugli pryčapiŭ.
Padbicca, ~biŭsia. Dz. z. Ad vialikaj chady natrudzić nohi. Kali jon prajšoŭ sto kilametraŭ biz adpačynku, dyk zusim padbiŭsia.
Padbicca, ~biŭsia. Dz. z. Padleźci (Vul.) Sabaka padbiŭsia pad kleć.
Padbić, ~biŭ. Dz. z. Źbić z noh. Ramiźnik padbiŭ čałavieka pad sani.
Padbić, ~biŭ. Dz. z. Namović. Heny hical padbiŭ chłopca leźci ŭ čužy sad.
Padbić, ~biŭ. Dz. z. Dać podšyŭku. Vincuk padbiŭ žakietku maltanam.
Padbrykavać, ~vaŭ. Dz. nz. Harcavać. Naša ciałušačka ŭžo padbrykavaja.
Padbuchtoryć, ~ryŭ. Dz. z. Namović.. Złačyncy padbuchtoryli natoŭp rabavać kramy.
Padbyły, ~łaha. Prm. Užo niemałady. Jina padbyłaja dzieŭka: jej skora paŭkapy stuknia.
Padchlebicca, ~biŭsia. Dz. z. Prydobrycca. Jon padchlebiŭsia ciotca, kab u jaje hrošy vymanić.
Padchlebnik, ~ka. Naz. Toj chto paddobraŭjecca, kab niešta vymanić. Padchlebnik šukaja davierlivych ludziej.
Padchlebstva, ~va. Naz. Paddobravańnie. Nia kožny čałaviek zdolny na padchlebstva.
Padcikacca, ~kaŭsia. Dz. z. Aściarožna kradučysia padychodzić. Voŭk padcikaŭsia da aviečak.
Padcinać, ~naŭ. Dz. nz. Padražać, padciskać. Prybi taradynki, dyk koły nia buduć padcinać ližajak.
Padchodzić, ~dziŭ. Dz. nz. Nabližacca da niečaha. Kali my padchodzili da raki, dyk spatkoli chłopca z vudami.
Padchodzić, ~dziŭ. Dz. nz. Zamiešany chleb prybyvaje. Nakryj kažuchom dzažu, kab bardziej chleb padchodziŭ.
Padčačurak, rka. Naz. Chłopiec-padletak, jaki ŭ vioscy ŭsio padpilnuje, što pazavuhollu robicca. Ad hetych padčačurkaŭ nihdzie ni schavajišsia.
Padčynić, ~niŭ. Dz. z. U zakvašanaje ciesta dadać muki. Mama padčyniła bliny.
Padčyryca, ~cy. Naz. Mužava dačka, abo žončyna. Maje krasiency, maje sušency, zivajcia, jak mačycha na padčyrycu. (Fal. Pryk.)
Paddać, ~daŭ. Dz. z. Dapamahčy ŭźniać na plečy. Paddaj mnie hety miech.
Paddać, ~daŭ. Dz. z. Nadać zarazy, zarazić. Moj siabra paddaŭ mnie karosty.
Paddacca, ~daŭsia. Dz. z. Spynić zmahańnie na karyść voraha. Ja paddaŭsia.
Paddobrycca, ~ryŭsia. Dz. z. Prykinucca dobrym. Todar umieja paddobrycca, dzie čuja karyść.
Paddybu. Prs. Žartaŭlivaje adhaniańnie preč. A jdzi ty paddybu ad mianie.
Paddzieć, ~dzieŭ. Dz. z. Nadzieć padyspad. Paddzień kažušok pad sirmiažku.
Padhały, ~łaha. Prm. Raślina biaz sukoŭ unizie. U huščary les padhały.
Padharu. Prs. Jechać z daliny na haru. Ciažka było jechać z vozam padharu.
Padherać, ~rca. Naz. Pryłada ŭ kalosach, što ni daje ścialežycca kałosam. Zamacuj padherac na śvornia, kab kalosy ni ścialežylisia.
Padhledzić, ~dziŭ. Dz. z. Vyviedać, padpilnavać. Chłopcy padhledzili, dzie zładzieji spynilisia na papasku.
Padhledzić pčoły. Vynić lišni miod z vulla. Dzied padhledziŭ pčoły.
Padhrabić, ~biŭ. Dz. z. Zhrabić naciarušanaje siena ci sałomu. Padhrabi tam, chłopic, akopki.
Padjałyčyć, ~čyŭ. Dz. z. Nahavaryć, nazvodzić, padviaści. Niechta-ž padjałyčyŭ mianie baćku, što byccam ja pjany byŭ.
Padjeści, ~jeŭ. Dz. z. Najeścisia. Dziakuj, ciotačka, ja ŭžo padjeŭ.
Padjeści, ~jeŭ. Dz. z. Padtačyć. Čarviak padjeŭ korań žyta, dyk kołas pavaliŭsia.
Padkacicca, ~ciŭsia. Dz. z. Kociučysia padleźci. Kačułka padkaciłasia pad piareklić.
Padkacicca, ~ciŭsia. Dz. z. Padleźci, prydobrycca. Treba padkacicca da dziadźki, kab hrošy pazyčyŭ.
Padkołas. Prs. Sałamianaja stracha, dzie kałasy sałomy vypuščany navonki. Naš chleŭ nakryty sałomaj padkołas.
Padkopavacca, ~vaŭsia. Dz. z. Kapač jamu pad ścianu, kab uleźci ŭ budynak. Złodzi padkapaŭsia pad ścianu ŭ jistopku dy chleb i śmitanu ŭkraŭ.
Padkopavacca, ~vaŭsia. Dz. nz. Šukać pryčyny, kab zavinavacić. Kolki jon ni padkopavaŭsia pad maju rabotu, ali ŭ jej hańby ni znašoŭ.
Padkradacca, ~daŭsia. Dz. nz. Tulajučysia padychodzić. Voŭk padkradaŭsia da aviečak.
Padkrupja, ~ja. Naz. Muka j drabniusieńkija krupy,- što vysiajecca z dranych krup. Padkrupja zamišaj kuram.
78 👁