Скончылі работу? Мыйце рукі, ідзіце дахаты! Лушчык І.І., 1928 г.н., 1985. Альшаніца Квас. Жартоўная прыгаворка, з якой звяртаецца да работнікаў гаспадар перад вячэрай. Смачна, бо дорага. Казімірчык А.П., 1928 г.н., 2003. Скураты Квас. "Усё дарагое – смачнае" (тлум. інф.). Смех, а не работа. Зубко Л.У., 1935 г.н., 2005. Бялавічы Кос. Пра нядбайна зробленую работу. Смех дый годзе! Жук Дз.А., 1919 г.н., 1995. Жамайдзякі Міл. "Ні ведаю, ці плакаць мне, ці сьмяяцца сь цябе і с твае работы? Ано скажу: сьмех дый годзе! І ты, і твая работа нікуды ні вартыя!" (прыклад інф.). Сточкі – на дочкі. Лісок Н.В., 1929 г.н., 2001. Альшаніца Квас. Так жартуюць, калі наліваюць у чарку гарэлку з дзвюх бутэлек. Такі галодны, вала з'еў бы. Зайка Ф.Я., 1907 г.н., 1985. Заполле Кос. Тая, што хвастом матае. Максімчык В.У., 1936 г.н., 2004. Бялавічы Кос. Так кажуць у адказ на дакучлівае дапытванне пра каго-небудзь. Тваю салому будуць свінні есці. Зайка Ф.Я., 1907 г.н., 1984. Заполле Кос. Так смяяліся з чалавека, які нядбайна малаціў збажыну. Твая справа такая: наеўся – ды на печ. Зайка Ф.Я., 1907 г.н., 1985. Заполле Кос. Кажуць часам дзіцяці, калі пачынае капрызіць. Трапіў, жучку, у панскую ручку! Лушчык І.І., 1928 г.н., 1995. Альшаніца Квас. Так кажуць чалавеку, якому доўга ўдавалася пазбегнуць пакарання.