1449. Добрыя жорна ўсё перамелюць (змелюць). Fed., 366; Ахрым., 30. 1450. Хоць позна, да завозна. Нос., 174. 1451. Калі засыпаў, то няхай меле. Fed., 177. 1452. Нясі здароў, калі змалоў. Fed., 203. 1453. Гэта табе толька пачынка, а будзе й цэлая аўчынка. Ляцкий, 8; Сержп., 137. 1454. Шкура вырабу не варта. Dybow., 18. а) Аўчынка вырабу не варта. Ахрым., 20; У. Іваноў, 1958, Мінск. Вар.: Юрч., 1972, 54. б) Аўчынка вычынкі не варта. Янк., Дыял., III, 26, Глуск. в) Не варта скура вырабу. Fed., 281; А. Мацкала, 1965, Іў. 13.10.3. г) Скурка не варта вычынкі. Pietk., 345. 1455. Вычынка даражэйшая за аўчынку. Янк., Дыял., III, 155, Глуск. 1456. Музыка ды дудар — невялікі гаспадар. Т. Лапаціна, 1961, Рэч. 13.3.24. а) Музыка-дудар — невялікі гаспадар. Ляцкий, 21. 1457. З музыкі да з млінара не будзе гаспадара. Fed., 190. 1458. З музыкі да з муляра нігды няма гаспадара. Fed., 190. 1459. Дудар — не гаспадар, стралец — не жылец, рыбак — і той па вушы абгніець. Шейн, II, 476, Барыс. п.; Fed., 84. 1460. Калі араць, дык у дуду не іграць. Сержп., 84.