ЗАПЕЧЧА н. Запечак. Пакладі там на запечча. Ручаёўка. ЗАПІНКА ж. Фартух. Запінкай запніся, а то плацце вымажаш. Крупейкі. ЗАПІР м. Франтон. Ат вуліцы у крышы запір. Чаплін. ЗАПІРУВАННЕ н. Франтон. Запіруванне соломай делаюць, шэлёўкай — запір. Рудня Марымонава. ЗАПНУЦЬ зак. 1. Завесіць. Матку его негадяшчую хавала ат немцаў: запну на печы, ена і седіць, а сама усе рабіла. Дзяражычы. Сабаку пчолы кусаюць, дак Лена казала, можа б чым-небудзь запнулі. Карпаўка. 2. Заслаць (пра пасцель). Я то от латкаю запнула пасцель дай пашла. Дзяражычы. ЗАПОМНІЦЬ зак. Запомніць. Я добра запомніла ее, хоць ена толькі раз була у нас. Дзяражычы. ЗАПОМНІЦЬ зак. Забыць. З Лоева у Магілёў ці куды, ай не атправілі ее, я запомніла, куды атправілі. Дзяражычы. Запомніў я, як ее завуць — ні то Дуня, ні то Маня — не уздумаю. Первамайск. ЗАПОНКА ж. Фартух. Запонка — палатняны хвартух. У мене вось ён, пагледі. Бывалькі. На буден день запонкі шылі з свойго палатна. Пярэдзелка. ЗАПРАПАСЦІЦЬ зак. Заваліць, загадзіць. Да запрапасцяць двор скражкамі, ваніць, мне не можна дыхаць, а му не носім іх. Дзяражычы. ЗАПРАСАЛІЦЦА зак. Закінуцца, згубіцца. Запрасаліліся мае чобаты. Пярэдзелка. ЗАПРАСОРЫЦЬ зак. Запраторыць. І куды ты запрасорыла мой плоток, шчо я шукаю, шукаю і не найду ніяк. Ручаёўка. Его ж кудысь далечэнна запрасорылі, мо на край свету. Дзяражычы. ЗАПРАТАЦЬ зак. Згубіць. Хіця б ваш ножык не запраталі. Ручаёўка. ЗАПУКАВАЦЬ незак. Утойваць, скрываць. Невестка кажа: мне не трэба твае грошы і ты. Ета не запукуе, а у вочы кажа. Дзяражычы. ЗАПУСЦІЦЬ зак. Запусціць. Тады дрошчы трэба буде запусціць. Дзяражычы. Паехалі рыбакі на возера лавіць рыбу невадам, запусцілі невад пад лёд і вуцеглі деда наверх. Первамайск. ЗАПУСЦІЦЬ зак. Закінуць, занядбаць. За восень так запусціла сваю хату, што не улезці ад гразі. Карпаўка.