НЕДАЛЭНГА агульн. Слабы, недалужны чалавек. А гэты недалэнга ледзьве ідзе, чысто слімак паўзе. Навагрудскі р-н. НЕДАЛЭНЖНЫ прым. Недарэчны, недалужны. Дзед быў нейкі недалэнжны. Паедзе на начлег, ляжа спаць, а з яго шыдэраць колькі хочуць, а тады смяюцца. Волма. НЕДАЧУПАЛЫ прым. Недаразвіты. Гэты хлопец быў трохі глухаваты і так недачупалы. Сваталі, сваталі дзеўку і аніяк. Ведама хлопец незавідны быў. Рудня. НЕЗДАЛЯЧАЕ прым. Кволае, слабае, нядужае. Мурожніца. НЕЗДАРОЎЧЫ прым. Хваравіты. Слабада. НЕКАЛІСЬ прысл. Некалі, калісьці. Некалісь мы на торф хадзілі. Рудня. НЕПЕРАЛІЎКІ мн. Цяжкая сітуацыя. Стаялі і жартавалі, а мяне як хаціў жывот. Дык тут не да жартаў, непераліўкі, трэба ратаваць чалавека. Волма. НЕЎТАЛОННЫ прым. Неспакойны, задзірысты. Ззаду гарбаты, спераду лупаты, да к таму яшчэ неўталонны п'яніца. Рудня. НЕСЛУШ м. Неслух. Я ўбіла б яго з гэтым хамяком, гэтага неслуша. Кукалеўка. НЕХТАЦЬКА займ. Нехта. Настаўніцу выдаў нехтацька, немцы ўварваліся ў вёску і схапілі, а яна памагала парцізанам. Рудня. НЁЖ прысл. Няўжо ж. А тыя мяшкі ці залапіла? — Нёж. Кукалеўка. НІЖНІЦА ж. Ніз невада. Ніжніцу трымай крапчэй. Бірулі. НІЗНАКА агульн. Нязнайка. Няможна ёй яшчэ верыць, пасылаць да дзіцяці, яна яшчэ сама нізнака. Волма.