ni nadajucca. Pakarańnia, ~nia. Naz. Kara za prastupak. Jon maja pakarańnia za złodziejstva. Pakarmiaka, ~ki. Naz. Darmajed, što chitruje, kab daremna prakarmicca. Toj pakarmiaka jiznoŭ jość. Pakašavać, ~vaŭ. Dz. z. Niejki čas kasić. Pakašavaj mnie za tuju duhu. Pakaty, ~toŭ. Naz. Ślizkija roŭnyja biarny, pa jakich cełuju budyninu pierakačvajuć na jinšaje miesca. Kleć z padmurka spuścili na pakaty. Pakaŭznucca, ~nuŭsia. Dz. z. Paśliznucca. I sobiła-ž jamu pakaŭznucca. Pakaz, ~zu Naz. Pakazać na dziva. Silanin pryvioz na pakaz vialiki burak. Pakazieryć vočy, abo — Vykaziryć vočy. Vyłupić vočy. Čaho ty na mianie pakazieryŭ vočy? Pakidzišča, ~ča. Naz. Akinieny čałaviek, jakim nichto nia cikavicca. Heta dzieŭka była ŭ vioscy za pakidzišča. Pakinuć, ~naŭ. Dz. z. Nie brać z saboj. Jon pakinaŭ knihi tut. Pakinuć, ~naŭ. Dz. z. Spynić hutarku. Pakiń hetu pustuju hutarku. Paklapnuć, ~naŭ. Dz. z. Pachiliŭsia. Aziarody paklapli na paŭdnia. Pakostačkach raźbirać. Padrobiazna raźbirać (abmaŭlać) usie niedachopy charaktaru j pavodzinaŭ asoby dy panižać jaje. Viaskovyja baby jaje abmovili, pakostačkach raźbirajučy. Pakrapiŭnik, ~ka. Naz. Samaja maleńkaja ptušačka, što płodzicca ŭ łamaččy j krapivie. Dzieci znašli hniazdo pakrapiŭnika. Pakrapiŭnik, ~ka. Naz. Hetak žartam nazyvajuć dzicia, kali niaviedajuć chto jahony baćka. Kali j pamre hety pakrapiŭnik, dyk nichto płakać nia budzia. Pakrepnuć, pakrep. Dz. z. Zrabicca ad stužy niahnutkim. Ruki pakrepli, dyk ni mahu j vuzła raźvizać. Pakryvać, ~vaŭ. Dz. z. Trymać u sakrecie, umaŭčavać čužuju vinu. Ja nia budu złodziejaŭ pakryvać. Paktar, ~ra Naz. Haspadar małacarni. Jidzi da paktara dy kupi małaka. Pakulać vočy. Hladzieć z padłobja. Čaho ty pakulaŭ vočy. Pakulla, ~ła. Naz. Zbłytanaje vałakno pianki. Dzied z pakulla viŭ puty. Pakulšto. Prs. Špiarša, niadoŭhi čas. Pakulšto palažym dy paśla prystupim da pracy. Pakuta, ~ty Naz. Vialikaje hora. A snaść nia kuta — kaniu pakuta. (K. Krap.) Pakutavać, ~vaŭ. Dz. nz. Žyć u vialikim hory pad ciažkim prymusam. Jon dziesić hod pakutavaŭ u kacecia. Pakutnik, ~ka. Naz. Čałaviek, što ciažka haruje. Pakutnik loh na viečny supačynak. Pakvapicca, ~piŭsia. Dz. z. Pazajzdravać, uzachvocicca na niešta čužoje, kab jim aŭładać. Niechta-ž pakvapiŭsia na moj pałudziń. Palatucha, ~chi. Naz. Niaŭsiedlivaja dziaŭčyna. Taja palatucha palacieła, a chata nia miecina. Palatucha, ~chi. Naz. Drabniusieńkaja kudziela — dulka, što na vieracianie nia trymajecca. Žbiary dačuška hetu palatuchu dy abatkni dzirki ŭ chlevia. Pala, ~li. Naz. Taŭstoje j roŭnaje biarno, što ŭbivajecca ŭ ziamlu, kab na palach budavać most. Navazili dreva na pali j na most. Palares, ~sa. Naz. Admysłovy miašečyk na hrošy. Jahony palares pusty. Palaruš, ~ša. Naz. abo — Paralič, ~ča. Sparaližavańnie častki cieła. U Mikoły palaruš u nazie. Palehlica, ~cy. Naz. Zbujaŭšaje dy źlohšaje zbožža. Dzie ŭ zbožžy palehlica, tam kałasy hłuchija (pustyja). Palecić, ~ciŭ. Dz. z. Leta dahadziła. Siolita ŭ nas bulba paleciła.. Palic, ~lca. Naz. Začesany kaniec biarna, kab jon moh dajci ŭ paz vušaka. Taniej pačašy palcy, ato nia lezuć ŭ paz vušaka. Palica, ~cy. Naz. Prymacavanaja doška rubam da ściany. Knihi na palicy. Palica, ~cy. Naz. Stalovaja pryłada ŭ sasie, što ziamlu viernie na pravy bok. Kaval zrabiŭ novaju palicu. Palić, ~liŭ. Dz. nz. Raspalivać ahoń. My ceły viečar palili hrubku. Palić, ~liŭ. Dz. z. Pramačavać hrady. Dzied paliŭ hrady. Palić, ~liła. Dz. nz. Vialiki pał. Majho małoha ceły dzień paliła, — lažyć, jak u vahni. Paličnik, ~ka. Naz. Kryvaja pałačka, na jakuju nasadžaŭjecca palica. Tata zrabiŭ dubovy paličnik i nasadziŭ palicu. Palik, ~ka. Naz. Miežavy słupok. Na miežach stajać paliki. Paliŭnik, ~ka. Naz. Handlar, što razvozić pa vioskach i pradaje hlinianaje polivanaje sudździo. Kali paliŭnik pryjechaŭ u vioskŭ, dyk baby jaho abstupili. Paliva, ~vy. Naz. Hlinianaje palivanaje sudździo. Paliŭnik pradaje palivu. Paliva, ~va. Naz. Matarjał dla abahravańnia pamieškańnia. My paliva ŭzapasili na ceły hod. Palivać, ~vaŭ. Dz. nz. Lić vadu na rasliny. Sistra palivała hrady. Palivień, ~liŭnia. Naz. Vialiki praciahły doždž. Učora ŭcadziŭ paliveń. Paluboŭnica, ~cy. Naz. Niašlubnaja časovaja žonka. Heta jaho paluboŭnica. Paluboŭnik, ~ka. Naz. Časovy muž. Jejny paluboŭnik užo zusim pajechaŭ. Pał, ~łu Naz. Vysokaja temperatura cieła. U jaho pał i hałava balić. Pałac, ~cu. Naz. Vialiki pryhožy budynak. U grafskim pałacy źmiaściłasia ŭsia rajonnaja uprava.