chvoraha dyj pamior. Nabrać, ~raŭ. Dz. z. Kupić tkaniny ŭ kramie. Dačka nabrała parkalu na sukienku. Nabraknuć, nabrak. Dz. z. Namoknuć. Naciahnuć u siabie vady. Dźviery nabrakli, dyk ni začyniajucca. Nabuchtoryć, ~ryŭ. Dz. z. (Vul.) Šmat nalić. Našto ty nabuchtoryła poŭnu misku małaka. Chto jaho budzia jeści? Nabuchtoryć, ~ryŭ. Dz. z. Namović na drenny čyn. Susiedka nabuchtoryła maju žonku, kab jišła ŭ pročki. Nabyvać, ~vaŭ. Dz. nz. Dastać, kupić, uziać napavier. Brat dumaja nabyvać mašynu. Nachabica, ~cy. Naz. Niapryjemny niečakany vypadak. Kali-b ni taja nachabica z tym sudam, dyk-by ja daŭna ŭsiejiŭsia. Nachabnik, ~ka. Naz. Avanturnik, złačyniec, virutnik. Tabie pašancavała, što ŭściarahsia taho nachabnika. Nachabnaść, ~ci. Naz. Brutalnaść, svavolstva, amaralnaść. Tolki dzikun moža prajavić hetkaja nachabstva. Nachadzicca, ~dziŭsia. Dz. z. Šmat chadzić. Brat nachadziŭsia kania šukajučy. Nachilicca, ~liŭsia. Dz. z. Nahnucca. Matka nachiliłasia nad chvorym dziciam. Nachilisty, ~taha. Prm. Napuščany, pakryŭleny. Stań pad nachilistaja dreva. Nachił, ~łu. Naz. Paciah, nałoha, pryzvyčajeńnie. Jon mieŭ nachił da alkaholu. Nachlebnik, ka. Naz. Darmajed. Niaprošany hość. Jon pazbyŭsia nachlebnikaŭ. Nachłynuć, ~nuŭ. Dz. z. Raptam naleźci. Nachłynuli niaprošanyja hości na viosku. Nachodny, ~naha. Prm. Adniekul pryšoŭ. Maskali-staraviery heta narod nachodny. Jany ŭ daŭnyja časy pryšli z Maskoŭščyny. Nachodny, ~naha. Prm. Znajdzieny. Hety nož nachodny: tata jaho našoŭ u lesia. Nachodzić, ~dziŭ. Dz. nz. Biazupynku prychodzić. Ludzi nachodziuć ŭ kramu, a tavaru nima. Nachodzić, ~dziŭ. Dz. nz. Šukać, znajści. Nam treba nachodzić, što zhubili. Naciahnuć, ~nuŭ. Dz. z. Raściahnuć, kab padaŭžeła ci pašyreła reč. Šaviec naciahnuŭ skuru na kapył. Naciahnuć, ~nuŭ. Dz. z. Naniaści, navałačy. Pastuški naciahnuli halla na ahoń. Naciańki. Prs. Jiści prosta, nia trymajučysia daroh. Chto pojdzia naciańki, dyk prachodzia try dziańki. (Fal. Pryk.) Nacina, ~ny. Naz. Sušonaje liście ad repy. Daŭna ŭ Siradu Posnaju varyli nacinu. Nacisnuć, ~naŭ. Dz.z, Na niejkuju reč uzłažyć ciažar. Naciśni kaminiam syr, kab syrovadka vycikała. Nacisnuć, ~naŭ. Dz. z. Nastojliva patrabavać. Treba nacisnuć na dziadźku, kab doŭh addaŭ. Nackavać, ~vaŭ. Dz. z. Pasłać sabaku, kab brachaŭ i kusaŭ. Pastušok nackavaŭ sabak na śvińniu. Nackavać, ~vaŭ. Dz. z. Nasłać niejkich złydniaŭ, kab pakryŭdzić ci abrazić niavinnaha čałavieka. Heny abarmot nackavaŭ tych virutnikaŭ na niavinnaha čałavieka, a sam hladzić dy śmiajecca. Načapić, ~piŭ. Dz. z. Pryviazać. Ja načapiŭ novaju puhu: zaŭtra ŭ pola pahaniu. Načnica, ~cy. Naz. Kazačnaja načnaja ptuška, jakaja ŭ načy źjadaje ptušaniat jakich panieaściarožnašci dzieci uspomniać paśla zachadu sonca. Majich drazdoŭ načnica pajeła. (Fal. Zab.) Načyńnia, ~nia. Naz. Pryładździe da raboty. Jon dobry kaval, ali błahoja načyńnia maja. Nadabra, Prs. Dobra pavodzicca. Kali pojdzia nadabra, dyk my skora ŭsiejimsia. Nadacca, ~daŭsia. Dz. z. Nadarycca. Nadałosia-ž mnie ź jim spatkacca. Nadać chvaroby. Zarazić. Jakub Banadysiu nadaŭ karosty. Nadakučyć, ~čyŭ. Dz. z. Naprykryć, dajeści. Nadakučyli nam niaprošanyja hości. Nadarycca, ~ryŭsia. Dz. z. Vypadkova trapiłasia. Da nas nadarylisia hości. Nadaŭbiń, ~bnia. Naz. Doŭbnia, niedareka. Hety nadaŭbiń nikomu nia treba. Nadavacca, ~vaŭsia. Dz. nz. Budzie hadzicca. Hety kažuch zimoj mnie samomu budzia nadavacca. Nadavacca, ~vaŭsia Dz. nz. Šmat davać. Ci-ž ja adzin mahu ŭsim nadavacca. Nadbudavać, ~vaŭ. Dz. z. Budavać na viersie. Nadbudavali treci pavierch. Nadjeści, ~jeŭ. Dz. z. Trochi nadkusić. Trus nadjeŭ viaroŭku, dyk jina parvałasia. Nadoŭžki. Prs. Udaŭžyniu. Toj dom: nadoŭžki dziesić metraŭ. Nadovičy. Prs. Niekalki dzion tamu nazad. Nadovičy ŭ mianie byŭ brat. Nadrabna. Prs. Na drobnyja častki. Hetu kapustu kryšy nadrabna. Nadta. Prs. Vielmi, praz mieru. Nadta vialiki ŭcadziŭ doždž. Nadubka, ~ki. Naz. Vierchniaja padoŭžnaja rama na panaradzie. (Biła). Jon pryviazaŭ lejcy za nadubku dy zasnuŭ na vozia. Nadukumant. Prs. Na probu. Dla cikavaści. Zapytajsia, nadukumant, kolki jon prosia za hetaha kania. Nadvor. Prs. Vonkach pamiaškańnia. Jany z łaźni vyskačyli nadvor. Nadvorny, ~naha. Prm. Vonkavy. Nadvornaja rabota zdaraviejšaja za chatniaju.