Ažarabiсcа, ~biłasia. Dz. z. Naradzić žarabia. Tarnujecca da kabył, aślic, jišačak i samic mułoŭ. Sivaja kabyła ažarabiłasia. Až. Dap. sł. Jano nadaje vahi słovu pierad jakim stajić. Biehli až da lesu. Až na toja leta. Na treci hod, što budzie paśla sioletniaha. Brat viernicca z vojska, až na toja leta. Ažno. Zł. Ja dumaŭ, što tata jidzie, ažno niechta čužy. Ažyrgnuć, ~nuŭ. Dz. z. Pierastupić praz niešta. U jichnaj chacia śmićcia ni ažyrgnuć. B Baba, ~by. Naz. 1) Baćkavu i matčynu matak unuki zavuć — baba. Baba častavała ŭnuka jaječniaj. 2) Staraja žančyna, što adrazaje novanarodžanamu maładzionku pup. Baba da ŭnučki ŭ vadviedziny pašła. 3) Usie zamužnyja žančyny. Baby j dzieŭki žać pašli. 4) Mužykova žonka. Jon z nami ŭ darohu ni pajedzia, bo jaho baba abradziłasia. Baba, ~by. Naz. Abčesany, pałožany pierak saniej i pryviazany kavałak taŭstoha dreva. Pryviazavaj babu da saniej dy pajedzim biarvieńnia tralavać. Baba, ~by. Naz. Kałoda-chorma duhi hnuć. Maciej zrabiŭ babu duhi hnuć. Baba, ~by. Naz. Kapar pali zabivać. My pali zabivali ručnoj babaj. Baba, ~by. Naz. Śniežny bałvan. Dzieci źlapili śniežnaju babu. Babka, ~ki. Naz. abo Babačka, ~ki. abo Babulka, ~ki. Łaskavy nazoŭ baby. Babka mnie piražok śpikła. Babka, ~ki. Naz. Łasy piroh, piečany ŭ sudzinie. Mama śpikła babku. Babka, ~ki. Naz. Zialeznaja pryłada kasu klipać. Babku ŭbi ŭ kałodku. Babka, ~ki. Naz. Sastaŭleny metlik snapoŭ. Mama nažała piać babak snapoŭ. Babka, ~ki. Naz. Źviazany vializny snop sałomy. Tata viaža sałomu ŭ babki. Babka, ~ki. Naz. Karanny zub (Parecki pav. Smalenščyna). U mianie ŭsie babki vykryšylisia. Babić, ~ła. Dz. nz. Adrazać pup novanarodžanamu maładzionku. Staraja Marta ŭsich majich dziaciej babiła. Babina, ~ny. Naz. Adno kaliva nasiennaha bobu. Chłopic pasadziŭ try babiny. Baboŭja, ~ja. Naz. Sałoma ad bobu. Baboŭja my režym na siečku. Baboŭja, ~ja. Naz. Pachań, dzie ros bob. Naviažy kania na baboŭji. Babski, ~skaha. Prm. Toje, što naleža babam. Tut babskija ŭbory. Babzdyr, ~ra. Naz. Mužčyna, što lubie siabravać z babami, ale časta mianiaje hetych siabrovak. Ci ty, Hanna, sapraŭdy pojdziš za hetaha babzdyra? Bachi zabivaja. Zrakajecca svajich słoŭ ci čynaŭ. A jon bachi zabivaja, kaža, što tam nia byŭ i ničoha nia viedaja. Baćkaŭščyna, ~ny Naz. 1) Rodnaja krajina. My lubim našu baćkaŭščynu Biłaruś. 2) Spadčynaja haspadarka. Ja baćkaŭščynu spuściŭ bratu. Baćki, ~koŭ. Naz. Baćka j maci. Kali baćki addaduć, dyk ja pajdu zamuž za Mikołu. 2) Baćka ŭ množnym liku. Šmat baćkoŭ. Baćki vučniaŭ pryviaźli droŭ dla škoły. Baćvińnia, ~nia. Naz. Cyrbuli ź liścia burakoŭ. Hety chaładnik z baćvińnia. Badaj. Prs. Zamiesta — mažliva. Badaj što ŭžo para pałudnavać. Badaj. Zł. Zamiesta — kab. Badaj jon aprohsia. (Fal. Klon.) Badlivy, ~vaha. Prm. Taja žyviolina, što badziecca. Badlivaj karovia roh ucinajuć. (Fal. Pryk.). Badziacca, ~dziaŭsia. Dz. nz. Nia mieć stałaha prypynku, a žyć jak papała. Pa čužych ludziach badziacca viek treba. (J. Kup.). Badziaka, ~ki. Naz. Čałaviek biaz peŭnaha zaniatku i biaz mety ŭ žyćci. Badziaka, dzie načuja, tam nia dnuja. (Fal. Pryk.) Bahatyr, ~ra. Naz. Bahaty sielanin. Bahatyr dzivicca, čym biedny žyvicca (Fal. Pryk.). Bahna, ~ny. Naz. Hłybokaja hraź nie zarosšy travoj. Piatruś uskočyŭ u bahnu. Baj, ~ja. Naz. Kazačnaja jistota, što son navodzie na dziaciej. Jišoŭ baj pa ścianie. (Fal. Kaz.) Bajaźliva. Prs. Aściarožna, niedavierliva. Chłopic bajaźliva paziraŭ na jaho. Bajaźlivy, ~vaha. Prm. Aściarožny, niedavierlivy. Bajaźlivy ŭ bojku nia lezia. Bajec, ~jca. Naz. Achvotnik da bićcia. Kirmašnych bajcoŭ pasadzili ŭ vadsiedku. Bajić, ~jiŭ. Dz. nz. Apaviadać bajki. Dzied dzieciam bajiŭ bajki. Bajka, ~ki. Naz. Apaviadańnie nieadpaviadajučaje praŭdzie. Jon raskazaŭ bajku. Bakoŭka, ~ki. Naz. Małaja kamorka pry vialikim pakoju. Pisar pašoŭ u bakoŭku. Bal, ~lu. Naz. Haścinnaja zabava z pačastunkam. U susieda siahońnia bal. Balanka, ~ki. Naz. abo Balačka, ~ki. Paškodžanaje miesca na skury. U jaho na vuśnia ŭskočyła niejkaja balanka. Balavać, ~vaŭ. Dz. nz. Pry pitvie i ježy viesieła pravodzić čas. Balavali pakul hoły stali. (Fal. Pryk.). Baleja, ~ji. Naz. Vialikaja pradaŭhavataja sudzina bandarnaj raboty, abo blašanaja dla myćcia bializny, ci kupańnia. Ciotka ŭ baleji ad'žymaja bializnu. Balka, ~ki. Naz. Taŭstoje biarno. Try balki ŭroblivajucca ŭ ścieny, na jakich kładziecca stol. U našaj chacia balki čosanyja j hab