Zapavietrycca, ~ryŭsia. Dz. z. Zachvareć na pošasnuju chvarobu. Ach, kab ty zapavietryŭsia! (Fal. Klon.). Zapeckać, ~kaŭ. Dz. z. Abrabić. Vučań zapeckaŭ sšytak. Zapiarečyć, ~čyŭ. Dz. z. Zaharadzić redkim płotam. Kab ty, Adam, choć ad biahučaha zapiarečyŭ hety haroch. Zapiarečyć, ~čyŭ. Dz. z. Skazać suproć. Nichto ni advažycca zapiarečyć majim słovam, bo heta daviaronaja praŭda. Zapiatak, ~tka. Naz. Nabitaje uzvyšša pad piatoj bota. Daŭna pad zapiatki padbivali padkoŭki. Zapiečak, ~čka. Naz. Łaŭka pry piečy, praz jakuju łaziać na pieč. Łapci j anučy ližać u zapiečku pad staŭpom. Zapiečnik, ~ka. Naz. Hiraničny nazoŭ niabyvałaha sielanina. Ci-ž hetaha zapiečnika možna dzie dalej pasłać? Zapienicca, ~niŭsia. Dz. z. Zazłavać da niaprytomnaści, kab až pienu puścić. Čaho-ž ty zapieniŭsia, chto-ž tut ciabie spužaŭsia? Zapładzicca, ~dziŭsia. Dz. z. Zaviaści hniazdo. Siolita ŭ našych horach lisy zapładzilisia. Zapłata, ~ty. Naz. Płata za pracu. Jikaja zasłuha, takaja j zapłata. (Fal. Pryk.). Zapłavić, ~viŭ. Dz. z. Zalić vadoj. Pavodka zapłaviła sanažać. Zapojiny, ~naŭ. Naz. Pieršyja umovy sużenstva, kali svaty prychodziać z harełkaj, a dzieŭka zhadžajecca jiści zamuž. Siońnia ŭ susieda zapojiny. Zapory, ~raŭ. Naz. Umacavańni zapirać chatu ci jinšyja budynki. U jich u chacia dobryja zapory: i zasaŭka i zavała. Zapracavacca, ~vaŭsia. Dz. z. Žniasileć ad pracy. Jon zapracavaŭsia, što ledź trymajicca na nahach. Zapracavacca, ~vaŭsia. Dz. z. Zachapicca pracaj. Ja jak zapracavaŭsia, dyk ni zaŭvažyŭ, jak viečar naśpieŭ. Zapracavany, ~naha. Prm. Zamorany pracaj. Zapracavanamu čałavieku treba adpačyć. Zapracavany, ~naha. Prm. Nabyty pracaj. Ja jem chleb zapracavany svajim mazalom. Zaprašać, ~šaŭ. Dz. nz. Uračysta zaklikać. Nas zaprasili na viasiella. Zapratoryć, ~ryŭ. Dz. z. Dobra schavać. Jon kiłbasy dobra zapratoryŭ, kab sałdaty ni znašli. Zaprava, ~vy. Naz. Skoram, što kładziecca ŭ stravu, kali jaje staviać na stoł. U hetaj kašy nijakaj zapravy nia čuć. Zapravić, ~viŭ. Dz. z. Ukinuć u kašu niejkaha skoramu ci aleju. Haspadynia kašu zapraviła masłam. Zapryhonić, ~niŭ. Dz. z. Zrabić niavolnikami. Rasiejskaja caryca Kaciaryna zapryhoniła našych silan. Zapuścić, ~ciŭ. Dz. z. Drenna dahladać statak. Jany statak zapuścili zatoja, što nibyło čym karmić. Zapuścić, ~ciŭ. Dz. z. Spynić dajić karoŭ. Ad Dziadoŭ mama zapuściła karoŭ. Zapuścić, ~ciŭ. Dz. z. Drenna apracoŭvać ziamlu. Čamu ty ziamlu zapuściŭ? Zapuščany, ~naha. Prm. Spynieny apracoŭvacca. Heta sanažać zapuščana na pašu. Zapuščany, ~naha. Prm. Niedahledžany. Hety koń dobry, ali zapuščany. Zara, ~ry. Naz. Blask na niebie pierad uschodam sonca,, ci paśla zachadu. Zara pieraharaja: zaŭtra doždž budzia. (Fal. Vier.). Zarabicca, ~biŭsia. Dz. z. Zajadła pracavać. Ty ŭžo tak zarabiŭsia, što i na viačeru zabyŭsia. Zarabicca, ~biŭsia. Dz. z. Abrabicca. Ty ŭ hetaj kanavia ŭvieś zarabiŭsia. Zarablać, ~błaŭ. Dz. nz. Pracavać, kab miec hrošy. Jon zarablaja na chleb. Zarablać, ~blaŭ. Dz. nz. Rabić prudkami. Ja pahladžu, jak ty budziš zarablać piatu ŭ pančosia. Za'rać, ~raŭ. Dz. z. Zasypać ziamloj u baraznu. Dziadźka za'raŭ łubin pad žyta. Zaradzić, ~dziŭ. Dz. z. Dabra ŭradzić. Siolita ŭ jich bulba zaradziła. Zaradzić krosny. Asnovu krasion ukidać u nity j u bierda, paviazać i zatkać. Jina ŭžo sama zaradziła krosny. Zarakacca, ~kaŭsia. Dz. nz. Davać abiacańni nie rabić niečaha błahoha. Zarakałasia śvińnia ŭ harod łazić. (Fal. Pryk.). Zaraść, ~ci. Naz. abo — Zaraśnik, ~ku. Małady husty les ci kusty. Tam takaja zaraść, što i nosu nia ŭbić. Zaraŭnia. Prs. Adnolkava. Jon zaraŭnia stavicca da svajich i čužych. Zaraŭniać, ~niaŭ. Dz. z. abo — Zaraŭnavać, ~vaŭ. Zakapać jamu, kab było roŭna. Zaraŭniaj hetyja jamy j kupja. Zaraz. Prs. Vielmi chutka. U hety čas. Ja zaraz prydu. Zareć, ~reła. Dz. nz. Pačynajecca dzień. Užo zareja: zaraz dzień budzia. Zaročny, ~naha. Prm. Asoba, što dała niejkaje abiacańnie. Maja babula była zaročnaja u siradu ni praści. Zarubić, ~biŭ. Dz. z. Zrabić zarubku. Aŭčyńnik zarubiŭ zarubku na birca. Zarubić, ~biŭ. Dz. z. Zrabić rubiec. Zarubi, dzietki, rubčyk u spadničcy. Zarvać, ~vaŭ. Dz. z. Kali parviecca nitka na špuli ci vitusia i kaniec zhubicca. Našto ty zarvała nitku? Što ja budu rabić z hetaj špulaj. Zarvać, ~vała. Dz. z. Karova spyniła davać małako. Naša karova ŭžo zarvała. Zaryvacca, ~vaŭsia. Dz. nz. Śpiešna chapacca da niejkich čynaŭ. Michaś zaryvajicca z Jankam koni miniać. Zaryvacca, ~vaŭsia. Dz. nz. Kali nitki