cilaty ŭ zaharadź. Adłažyć, ~žyŭ. Dz. z. Častku niečaha pałažyć ŭ jinšaje miesca. Lepšych jabłykaŭ adłažy ciocca, a reštu sami jeścia. Adłažyć, ~žyŭ. Dz. z. Rabotu ci spravu puścić na praciah. Budoŭlu domu ja adłažyŭ da nalećcia. Adłučavać, ~čavaŭ. Dz. nz. Vyłučać, vyhaniać z hramady. Jon adłučvaje svaje karovy dy budzia paścić asobna. Adłučyć, ~čyŭ. Dz. z. Addzialić adahnać. Adłučy cilaty dy zahani ŭ zaharadź. Adłupcavać, ~vaŭ. Dz. z. Abściobać puhaj ci dubcom. Pastušok adłupcavaŭ byka, što u škodu biehaŭ. Admova, ~vy. Naz. Adkaz. Zrakańnie. Jahonaju admovu ad staršynstva schod uvažyŭ. Admahacca, ~haŭsia. Dz. nz. Nie zhadžacca. Baćka doŭha admahaŭsia jechać u churmanki. Admazgoŭ. Prs. Nie paddajecca rozumu. Hety chłopic admazgoŭ: kali błahi, a kali dobry; kali razumny, a kali durny. Admatčycca, ~čyŭsia. Dz. z. Kali pčoły ŭ vulli zastalisia biez matki. Hety vulej jašče ź zimy admatčyŭsia. Admiaknuć, ~naŭ. Dz. z. Rabicca miakkim. Ty namačy padłuhu, kab admiakła, a tady budziš myć. Admieł, ~łu. Naz. Rečka nižej młyna. U vadmiela dzieci kupalisia. Admienivacca, ~vaŭsia. Dz. nz. Varočać nazad pamianianyja rečy. Našto mnie admienivacca, kali ja dobra paminiaŭ. Admysłovy, ~vaha. Prm. Asablivy, naŭmyśla pryhatavany. Haściej paviali ŭ vadmysłovy pakoj. Adna'sobnik, ~ka. Naz. Sielanin, jaki nie pašoŭ u kałhas. Adna'sobnikaŭ pahnali darohu ładzić. Adnaručka, ~ki. Naz. Adna ručejka źmiataha lonu, bo časami składajuć pa dźvie ručejki, jakija zavucca składanyja. Ja namiała adzin dzisiatak i vosim paviesmaŭ adnaručak. Adnaručka, ~ki. Naz. Bandarskaja skobielka z adnej ručkaj. Skobilku adnaručku ja pałažyŭ na atramia. Adnasłoŭlivy, ~vaha. Prm. Čałaviek, jaki trymajecca dadzienaha słova. Banadysiu možna vieryć, bo jon čałaviek adnasłoŭlivy. Adnastajny, ~naha. Prm. Adnaho vyhladu. Adnastajny les ciahnuŭsia na dzisiatki kilametraŭ. Adnolkava. Prs. Usio adno, usio roŭna. Adnolkava, bracia hiniš, dyk addaj mnie j kanaplinic. (Fal. Pryk.) Adnolkavy, ~vaha. Prm. Hetki samy. U hetych chłopcaŭ adnolkavyja šapki. Adnoma. Prs. U vadno słova. Ja chacieŭ zastacca, ali moj chłopic, jak upiorsia, dyk adnoma pajedzim damoŭ. Adonak, ~nka. Naz. Naścił dreva j halla pad niz stohu, kab vada nie padyšła. Tut treba adonak rabić vysoki. Adpakutavać, ~vaŭ. Dz. z. Pieraciarpieć vialikaje hora. Antoś adpakutavaŭ piać hadoŭ u balšavickim kacecia. Adpaŭdniovik, ~ka. Naz. Pałova dnia pašla paŭdnia. Mienšy brat dva adpaŭdnioviki paściŭ karovy. Adpiracca, ~raŭsia. Dz. nz. Admaŭlacca tajicca. Jon adpirajicca, što tam byŭ. Adpiracca, ~raŭsia. Dz. nz. Adčyniajecca, admykajecca. Hetyja dźviery adpirajucca zusim prosta. Adpirać, ~raŭ. Dz nz. adłažyć ź dźviarej zapory. Pozna ni siadzi nasiale, bo ni pajdu adpirać dźviarej. Adpomścicca, ~ciŭsia. Dz. z. Nie daravać. Jon adpomściŭsia za svaju kryŭdu. Adprasicca, ~siŭsia. Dz. z. Vyprasicca, prasić dazvołu. Todar adprasiŭsia u načalnika źjeździć na try dni da baćkoŭ. Adprava, ~vy. Naz. Nabaženstva. Słužba Boža. U kaplicy była adprava. Adpravić, ~viŭ. Dz. z. Pravić nabaženstva. Śvitar adpraviŭ jimšu. Adpravić, ~viŭ .Dz. z. Adasłać. Nastaŭnik vučnia adraviŭ da baćki. Adprečyć, ~čyŭ. Dz. z. Prahnać. Pisar Daniłu adprečyŭ z pamocnikaŭ. Adpuścicca, ~ciŭsia. Dz. z. Daravać. Spynić hnieŭ. Jon na mianie ŭžo adpuściŭsia. Adrabicca, ~biŭsia. Dz. z. Skončyć rabotu. Na sanažaci my adrabilisia. Adrabić, ~biŭ. Dz. z. Vykanać umoŭlenuju pracu. Zadatak ja ŭžo adrabiŭ. Adrabić, ~biŭ. Dz. z. Papravić, pierarabić. Dva piramoty tvaje ja adrabiła. Adradzicca, ~dziŭsia. Dz. z. Što niekali było j minuła, dyk jiznoŭ źjaviłasia. Ci ni adradzilisia tabie letašnija Kalady? Adrakacca, ~kaŭsia. Dz. z. Pakidać, vyrakacca. U Hanny viasiella nia budzia, bo małady adroksia. Adrantvieć, ~vieŭ. Dz. z. Kali častka cieła abniačulicca j biazdziejničaje. Michaś na kamini zasnuŭ, dyk usia naha adrantvieła. Adrazu. Prs. Nie marudziačy. Nastaŭnik adrazu paznaŭ, što vučni niejkaju škodu zrabili. Adrodak, ~dka. Naz. Pradaŭžalnik rodu. Našy kniazi źmiorli navat adrodku ni pakinuli. Adroźnić, ~niŭ. Dz. z. Najści roźnicu. Možna-ž adroźnić byka ad jindyka. Adsačycca, ~čyŭsia. Dz. z. Toje, što niekali było znoŭ źjaviłasia. Bolka była zažyła, a ciapier jiznoŭ adsačyłasia. Adsadzić, ~dziŭ. Dz. z. Kali pry małać