жуць ніцяныя петлі (Жыдовіч, I, 128—129), падстаўка для ручнога трапання льну (Сцяцко, 153—154), папярочная палка грабель (Сцяшковіч, 472; Шаталава, 167).
Стопка наз., ж. Будынак для захавання бульбы, гародніны.
Высокі мажны Максім Ус прыціснуўся да сцяны стопкі і без промаху біў з вінтоўкі па жаўнерах. (С. Грахоўскі. Рудабельская рэспубліка) Бацька... вышмыгнуў у стопку і неўзабаве вярнуўся ў хату з бутэлькай. (В. Адамчык. На крыжавых дарогах) Чамусьці незвычайна доўгімі здаліся сцены хлява, стопачка, прабежка да першай яліны. (А. Кудравец. Барвовыя сумёты)
Параўн.: істопка, стопка, сьцёпка — памяшканне для захавання гародніны і карняплодаў (Каспяровіч, 293); стобка, сцёбка — варыўня (Хрэстаматыя, 335); сцёпка — кладоўка, варыўня (Клімчук, 70; Ніканчук, 90; Сцяцко, 157).
Стопкі, наз., мн. гл. Недатопкі.
І заўважыла [Анна Сцяпанаўна], што ні ў кога не было такіх стопкаў, як у яе, людзі абуваліся нармальна... (А. Кулакоўскі. Расстаёмся ненадоўга)
Параўн.: стопак — стаптаны лапаць (БРС-26, 301); стэпцы — сходы (Сцяцко, 155).
Стоўп гл. Старана.
Страла наз., ж. гл. Асвер, Коварат.
Вось тут ля стралы прывяжам да рання, а потым — у воласць. (П. Галавач. Суседзі) Пасадзілі на пясок ля стралы калодзежнай, залажылі пад пахі пастронак і, моцна завязаўшы вузлом на плячах, абкруцілі пастронак кругом стралы. (Там жа)
Параўн.: страла — вага (Янкоўскі, II, 168), канец жураўля ў калодзежы (Жыдовіч, II, 154), журавель (у калодзежы) (Шаталава, 168).
Струшанка, наз., ж. Трасянка.
[Гвардыян] абарочваецца напаўзвароту ад дзвярэй і дае апошні загад жонцы: «Як прыйдзе Панас — хай ідзе струшанку трэсці». (М. Зарэцкі. Вязьмо) Струшанка ляжала ля сцяны ў каровы пад нагамі — шапацела, калі ступала па гнаі Наста. (І. Пташнікаў. Тартак)
Параўн.: (с)трушанка — трасянка (Насовіч, 619; Янкоўскі, I, 183; Юрчанка, 191; Бялькевіч, 422), сена і салома, змешаныя (стрэсеныя) разам (Яўневіч, 50).
82 👁